Griffin Memorial Hospital ah hmeichhe pakhat pi robinson-i chuan hmeichhe naupang kum 7 mi a hruai a, hospital a hnathawktute hnenah chuan he hmeichhe naupang hi ka enkawl thei tawh lo a ni tiin pi robinson i chuan a hrilh.
Hospital a thawkte chuan hmeichhe naupang chuan hliam a nei tih an hmuh hmeih lo, an han enchian chuan rapthlak, rinphak loh khawpin naupang taksa pumpuiah chuan kutthlakna hnuhma an hmu ta ni. Naupang hi thu an zawt a mahse engmah a sawi ngam lo, hospital a hnathawktute chuan bell an hmetri nghal a Pi robinson-i chu an man nghal a ni.
Naupang hi thu an zawh nawn hnuah a Pi robinson’in na taka a hrem thin thu Department of Human Services worker te hnenah a hrilh. Pi robinsoni hian a tunu hi school a kal tir ngai lo , nasa tak takin a hrem thin, naupang taksa ah hian bakcheh nena zaina hnuhma hmuh tir a awmnual a, na taka benna leh petna duk tam tak naupang taksaah hian a awm bawk a ni.
Pi robinson-i chuan naupang thu sawi chu dawtah puh mahse evidence tam tak naupang taksa ah a awm avangin police ten pi robinson-i chu an man a ni. pi robinson-i bakah a bialpa joshua Granger-a kum 31 pawh an man tel bawk. Joshua Granger-a hian police te hmaah a pha nasa hle a ka duh vanga naupang hi kutthlak pawh ka ni lo Robinson-in a tih tir anga ti mai anih thu police te a hrilh. Police te chuan Robinson-i leh a bial pa Joshua chu naupang pawisawi lo chunga rawng taka kut an thlak avangin an man.