Your Daily News

TUIPUI CHUNGA LAWNG PIL MAI TUR CHHUNGA NUPA

0 3,388

Tuipui chunga lawng chhe pakhat pil mai tur chhungah chuan nupa tuakkhat an chuang ve a, an lawng chu a pil tak ngial dawn mahse an mahni chhan turin lawng dang reng a lo kal thei si lo, lawng chhunga lifesaver boat ah lah mipakhat chauh an leng tawh si a pasal chuan a nupui chu namsawnin pa ber zawk chu lifesaver boat ah chuan a chuang ta hlauh mai, Lawng pil mek a la chuang mek nu ber chuan a pasal hnenah he thu hi a hrilh a.

Tih lai takah chuann an zirtirtu-nu chuan a thawnthu sawi mek chu a pawt chat a,

Zirlai naupangte hnenah nu ber hian a pasal hnenah eng thu nge a sawi tih han ring chhin teh u tiin a zawt a.

Naupangte chuan hre bik nih tumin leh phur takin

” Nu ber chuan an pa hnenah rinawm lo pa ka haw tak zet che ” a tiin an au rual thup a ni.

An zirtirtu chuan hmeichhe naupang pakhatin engmah a sawi ve lo chu a hmuh avangin naupang hnenah chuan a zawhna chu chhang turin a hrilh a,

Naupang chuan Nu ber chuan he thu hi a sawi ka ring a ni zirtirtu, ” kan fate kha tha takin lo enkawl rawh tih hi ”

Zirtirtu chuan naupang chhanna chu mak a ti hle a, Naupang hnenah chuan he thawnthu hi i lo chhiar tawh em ni tiin zirtirtu chuan a zawt a, naupang chuan chhiar lo e mahse ka nu a boral dawn a ka pa hnena a thu chah ang khan he nu khawngaih thlak tak pawh hian a pasal hnenah a chah ka ring tlat a ni tiin a chhang a, an zirtirtu chuan naupang hnenah chuan i chhanna chu a dik e tiin a hrilh a ni,.

Naupang chuan a pa diary bu a chhiar ruk chu a sawi chhunzawm zel a,

Mahse ka pa erawh he lawng chunga chuang pa ber angin ka nu a phatsan ve lo,

Ka nu a boral hian ka pa chuan a tuar hle a, a diary ah ti hian a ziak a ni, Boihte chatuan a natna awm tawh lohna hmun a i ruala kal ve nghal ka va chak tak em, mahse ka thei lo a ni tunah chuan, i hnen atanga ka dawn hmangaihna a rohlu min hnutchhiah kan fanaute hi tha tak a ka enkawl an ngairih si a ni ” ti a, a pa diary bu a chhiar a hrilh chuan class room chhunga awm zawng zawngte chuan mittui tling purin an lo ngaithla a ni, thawnthu chu a tawp ta,

Hringnunah hian thilt tha leh tha lo hi a chang chuan thliarhran a har hle thin. Chuvangin pawnlam landanah chauh chuan engmah hi anihna dik tak kan hmu thei thin lo.

1.Thianza-a thil tih ho changa pawisa phawrh hmasa thinte hi pawisa an neih tam bik vang a ni lo,

pawisa ai a a thiante a ngaihpawimawh zawk vang a ni

2. Midangte kuthnuai a inhlawhfa ve maimah nise a theihna zawng zawnga thawk thintu-te hi an at vang a ni lo

a mawhphurna a hriat vang zawk a ni.

3. Inhauh changa ngaihdam dil hmasa zawktu atang thin-te hi an thiam loh vang leh an dik loh vang a ni lo

a bulhnaia mihring awmte an ngaihpawimawh vang zawk a ni.

 

 

 

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!