Nepal rama hmeichhe thinei pakhat chu thlamah a fate pahnih nen an dah vangin an thih phah a ni. Thlasik vawh lai tak a ni a, he nu hian a fate tihlumnan mei a chhem a, meilum ai phahin an lo muhil anga meikhu tha lo tak mai chu an hip ang a an thi a ni ang tiin Nepal ram thuneitute chuan BBC hnenah an sawi.
Nepal ram mipuite hi Hindu sakhaw rawngkai an ni a, hmeichhiain thi a neih laiin emaw, nau a neih lai hian an thianghlim lova, vanneihna an tihniam thei tih rinna an neih bur mai a ni. Thinei lai hmeichhiate chu ina awm an phal lova thlamah te, bawnginah te an thineih chhung chu an dah thin a ni.
Chutiang dan ho lutuk chu Nepal sorkar chuan 2017 khan a khap tawh a, mahse an rin dan la lungrun deuh khawte lama chengte chuan an la ching fo mai an ni an ti. Tunhma pawh khan hetianga thi hi an lo awm tawh thin.
source ‘BBC’
