Your Daily News

Super Model Bella Hadid In Nitin Leh Zantin Mittui Nen Hun A Hmang Thin Tih A Sawichhuak!

0 1,097

Khawvel huapa model lar leh hmeltha Bella Hadid chuan kum reivaklo liam ta atang khan nitin leh zantin tap chungin mittui nen hun a hman thin thu a sawichhuak!

Thawhlehni liam ta khan super model Bella Hadid chuan a mittui tlak lai thlalak engemaw zat social media lamah pholang zuiin, a followers te hnenah social media chu nun takna awm lohna hmun a tih a hriat nawn tir leh a ni.

Model chhelo tak Bella hian a hringnun kawng zawh mek chu a bumboh thu sawiin, a tleirawl lai atang tawhin rilru lamah buaina namen lo a tawh thu a sawi a ni.

January thla liam ta khan rilru lam buaina nemen lo a neih avangin model hmeltha kum 25 mi Bella chuan social media huang atangin hun engemaw chen chawlh a hman phah tih a sawi a, a tleirawl lai atanga tawh a amaha rilru lam harsatna a tawh chu a nasat em avangin a rilru hrisel a neih theih nan hun thawl tak a mamawh tih a tarlang bawk a ni.

Tun hma zawng khan Bella chuan rilru lamah buaina a tawh mek atang hian tal chhuah theih a ni ang tih ngaihtuahna a nei pha ngai lova, tunah erawh theih tawp chhuaha a harsatna sutkian a tum thu a sawi. Amah anga rilru lama buaina tawk mek te pawh beidawng mai lova bei fan fan turin a chah a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!