Thailand ram, Pathum Thani province a khawsa hmeichhia kum 40 a upa chuan mi nunrawng leh hmeichhe kutthlak ching a bialpa chu silaiin a kaphlum tih hriat a ni. Tianga a bialpa a that chhan pawh a nunrawnna leh a khawsakdan a tawrh zawh loh vang niin a sawi.
Thai hmeichhia Tharinya kum 40 a upa chuan a bialpa sual Supornchai kum 40 mi chu Market bulah sakhaw puithiam ei tur chaw a pek laiin a awmah tak 9-milimetre CZ pistol in a kap tih an sawi a, a hliam tuar loin a thi zui tih an sawi.
Tualthattu Tharinya in Police te a hrilhdanin, a bialpa nen hian kum 4 chhung an inkawp tawh a, fa erawh an neilo niin a sawi. He nu hian a bialpa rawng taka a kahhlum chhan chu a nunrawnna leh a mi hmusitna a tawrh zawh loh vang niin a sawi a ni.
Tharinya chuan a bialpa a kahhlum zawh hian amah inkahhlum ve nghal a tum a, vanneihthlak tak maiin a kianga lo awm ve hmeichhe dawr nghak kum 27 mi chuan a silai a lo phuisak hman tih hriat a ni.
Tharinya hi Police ten manin, an ram danpui Section 288 hnuaiah kum 15 chhung jail-ah khung a ni dawn niin an sawi. Hei bakah hian mi thah tumlawkna a lo neih lawk bawk avangin hremna an pek belh rin a ni.
