Your Daily News

Mobile App ah chhiar theih in a awm e

PALESTINIAN PRESIDENT-IN PALESTINE RAM PAWM TURIN EU A NGEN

0 94

Palestinian President Mahmoud Abbas chuan European Union (EU) ramte chu Palestine ram chu pawmsak turin a ngen.

Mahmoud Abbas hian EU Foreign Minister-te leh EU foreign policy hotu Federica Mogherini-te nena chaw chhun an ei dawnin he thu hi a lo sawi lawk a ni. EU chu Palestinian-te tana ṭhianṭha leh thawhpui pawimawh tak a ni tih sawii, Abbas chuan Palestinian ram an pawm leh Middle East remna awmna tura inbiakna neih chhunzawm tur chuan inkalhna engmah a nei lo tih a sawi.

Abbas chuan EU hian Palestine ram dinna tur leh a inenkawlna tura sum mamawhnaahte a puih reng thu a sawi. Hetih lai hian EU hian dan ang takin Palestine hi ram khat anga a pawm thu a lapuang lo a, member ram tam zawk chuan hemi chungchanga thutlukna siam hi an la duh lo a ni.

Israel nena an inkar boruak pawh sawilangin, Abbas chuan Palestinian-te chuan Israel nena inremna thuthlung an lo siam tawhte an la vawng zel tih a sawi a, Israel pawhin hei hi zawm ve se a duh thu a sawi.

Federica Mogherini chuan January 31 hian Palestine international donor group-te chu special session an neihpui dawn tih a sawi.

 

credit,, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com