Your Daily News

Nu Pakhatin Gym A Kal Tuma Amah Lo Melhtaitu Mipa Zaktheilo A Chhanletna Hian Sawi A Hlawhin Miten An Fak!

0 1,620

Hmeichhe personal trainer pakhatin Gym a luh tuma amah lo melhtaitu mipa zaktheilo a lo hmachhawn dan leh a chhanletna hian sawi a hlawhin, mi tam takin a remhriatna leh a huaisenna chu fak a phu an ti hle.

US lam chhuak personal trainer Heidi Aragon chuan hmanni mai khan Gym a a thil tawnte tarlangin, mipa kum upa tawh lam chuan a rukin Gyma a che vel chu a lo melhtai nasa tih a sawi. Mipa zaktheilo tak mitmeng a hmuh chuan a pasal chu a ko thuaia, mipa mit hliah zawnga awm turin a ti a mahse, he pa zaktheilo hian a tihtur chu a thulh chuang hauh lo a ni.

Heidi chuan Tik Tok video a tarlannaah, a phone chu a rukin thutthlengsei ah dahin Camera a on a, video a la zui ta a ni. Gym ah squats a tih mek lai chuan mipa chu a lamah a lo kalhnaia, vawi engemaw zat a mit lasawn tura a hrilh hnuah pawh a kiansan mai loh avang chuan a lamah kalin a va hnaihchilh ta a ni.

Heidi chuan a hnenah, “I thil en leh i awmdan hi hmulo turah min ngai a mi le? I thil tih hi i duhtawk lo a nih chuan finfiahna tha tak ka nei tih hria ang che” tiin….

Mipa chuan engmah harsatna a siam loh thu sawiin, Heidi hnenah a hawivel mai mai niin a sawi a, chu veleh Heidi chuan a phone a video a lak chu show zuiin mipa chu zak takin a kiang ta nghal a ni.

He video hi Tik Tok kaltlanga a pholan hnuah, mi tam takin Personal trainer Heidi Aragon chu an fak mawlh mawlh a, mi zaktheilo a hmachhawn dan chu tha an tih thu leh huaisen an tihzia chu comment lamah an tarlang nasa hle a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!