Your Daily News

Min Aung Hlaing Tantu Myanmar Zaithiam Lar Car An Halsak

0 647

Myanmar ram buaina kal zelah milar tam tak chuan Aung San Suu Kyi kaihhruai mipui sawrkar tanin ke pen mahse, mi thenkhatte ve thung chuan Min Aung Hlaing sawrkar an tan tlat thung.

Vawiin ni 18, tlailam deuh khan ah Yangon khawpui chhung, Sanchaung Myone ah car pakhat hal a nia, he car hi Sipai hotu Min Aung Hlaing tantu Singer Yone Lay ta ani thu an sawi.

Sipaiten Myanmar ramah sawrkar dinglai paihthlaa thuneihna an lak hnuah mi tam takin sipai sawrkar doin office pawh an kal duh lova, theih tawp chhuahin kawngzawhnaah telin CDM an kalpui a ni.

Mipuite pawisawilote kutthlaka kahhlum an ni chung pawhin Myanmar milar thenkhatte chuan sipai sawrkar thlawpin Min Aung Hlaing an zui ve bawk.

An sawidanin Yone Lay hian mipuite phatsanin Myanmar sipai sawrkar a thlawp tlat a, Tui inleih kut an hmanna ah pawh nasa takin hla a zai niin an sawi lang bawk.

A khawsakdan leh a chetdan chu a ngeiawmin mipui thinrim a tawng fuh a ni mahna, a motor man to tak pawh an hal zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!