Your Daily News

KUTDAWH PAKHAT CHUAN NITININ BIAKIN AH KALIN LAWMTHU A SAWI THIN

0 811

Mi tam tak tena kan harsat leh hlim chang te pawha Pathian hnena lawmthu sawi leh biakin kal hreh vanga chhuanlam kan siam thin laia kei ni aia dinhmun chhe zawka awm mek te hian an chan tawkah lungawia Pathian hnenah lawmthu an sawi hram hram thin te hi an fakawm bak ah an entawntlakin kan tluk lo hle a ni.

Kristian te tan phei chuan chona ropui tak a ni ngei ang. Hetihrualin, mi tumruh leh Pathian ți tlat tu te pawhin beidawng miah lovin Pathian hnenah lawmthu an sawi ve thin tho a ni. Chutiang bawk hian Philippine-Quezon khawpui chhung Cuboa Avenue hnaiha awm kutdawh hming tarlan loh chuan nitinin biakin ah kalin Pathian hnenah lawmthu a sawi thin.

Tin, Biakin chhungah țhingțhi chunga a țawngtai hian Pathian hnenah engmah a dil ngai lova, mahse a thil dawn tawh te chauh lawmthu a sawi thin niin mita hmu tute leh DKS author te chuan an sawi. He putar kutdawh chanchin post tu DKS author chuan a vawikhat hmuhnaah pawisa leh a ei tur chaw a pe a, a vawihnihna chu Biakin chhungah an in hmu a, a thla te lak sakin Kutdawh chuan nitina biakin chhungah lawmthu a sawi thin thu alo hrilh a ni.

He kutdawh thil tih hian mi tam tak thinlung a khawih a ni. (He khawvelah hian hnam leh mi hrang hrang kan awm bakah mi sual leh mi tha te pawh kan awm a, misual te pawh hi an sual vek bik lo. Chutiang chiah chuan mi tha zawng pawh hi an tha vek kher lo a ni.

Kutdawh zawng zawng te hi an in an vek loh avangin hmuhsit mai mai chi a ni miah lo.

Mi fing leh thil ti thei tak te pawhin an mahni aia hniam zawk te thil tih dan an ti vek thei bik lo bawk a ni. Kan mi hriat te chu eng ang mi pawh lo nise enhniam mai lova, hriathiam tum mai hi a ni a, chu chuan inremna a siam bakah kan khawvel pawh hi a ti mawi sauh a ni.

CWN

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!