Your Daily News

Kum Upa Leh Tar Chaklo Zawkte Chu Coronavirus Avanga An Thih Pawhin A Pawilo: Ken Turnage

0 463

Antioch City California state, Planning commisiona chairman ni lai Ken Turnage II chuan a facebook post ah thu dengkhawng leh mite rilru ngaituahna chawhbuai thei tak tawngkam a chhak chhuak tih hriat a ni.

He social media lama a thu post-ah hian damlo tar chaklo leh kum upa tawh lam, chenna in neilote chu Covid-19 avanga an lo thi a nih pawhin an thlanhmun lam an pan ve a ni maia an thih hi thil pawi a ni lo tiin a ziak tih hriat a ni.

Antioch city, council member ni lai mek Ken Turnage chu tualchhung mipui 110,000 zet chuan inlungrualin a nihna atanga bang turin an duhlohna an lantir nghe nghe. Turnage hian tar chak tawhlo leh upa zawkte chu natna an do theihna immune system a chak tawh loh avangin vantlang mipui tan hnawksak mai an ni tih tawngkam a chhak chhuah hnu chuan mipui thinurna a sosang ta nghal tih an sawi a ni.

A facebook post-ah hian a tawngkam a duhtuilo hle a, tar chaklo leh in leh lo nei lova vakrawllaite chu virus in a chungthu rel fel ve mai se pawi a tihloh thu leh vantlang tan phurrit an ni a ti hmak mai a ni.

A hnuah Turnage chuan he a post hi a delete leh tih an sawia, a thu post avang hian ban emaw hnungtawlh mai a tum lo tih a sawi lang bawk.

Zoom kaltlanga Council meeting darkar 2 zet a rei an neihnaah Turnage chuan a mimal ngaihdan a sawi chhuah leh planning commissiona a tihturte hian engmah inzawmna a nei lo tih sawiin a post atanga paih anih hian a duhzawng a sawichhuah theihna leh a zalenna chu a rahbeh sak a ni a ti ve thung.

City officialte chuan he a thu post avang hian mipuiten an mahniah rinna an nei tawh lo tih sawiin tualchhung kehchhiatna a thlen a ti a ti bawk. Politiciante chuan midangte aiin ngaihdan zau tak an neih a tula tualchhung mite aiawhtu an nih avangin an pawimawh hle tih Mayor Sean John Wright chuan a sawi tel a bawk.

Turnage pawhin he a thusawi hi a sawi laia a thinlung put hmang niloin an lak vunsak mah zawk a ni tih a sawia, a ngaihdan tlang taka a sawi chhuak chu a inchhir phah lo niin a sawi bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!