Your Daily News

KRISMAS KAIHHNAWIH LAWRKHAWM

0 640

Valpuia Leo Chawngthu-

@@. Christmas vuakveta hla lar em em mai *Jingle Bells* hi kum 1857 a James Lord Pierpont (1822-1894), Music Director, Massachusetts, USA phuah a ni a. He hla thu ah hian Chrismas lam hawi pakhatmah a awm lo va. A phuah tirha a hla thupui chu *One horse open sleigh* tih a ni a. Sunday Sikul a Intihhlimna hla tura a phuah, thu ho angreng tak a ni.

@@. Hriat theih chinah Christmas hmingchawi ram bung 2 a awm a. Pakhat chu Pacific Ocean a awm *Christmas Island* niin a hming hmasa chu Kirimati a ni. Pakhat zawk chu Indian Ocean a *Christmas Island* a ni ve thung.

@@. USA ah khuan kumtin Christmas Card Maktaduai 30 vel an siam chhuak țhin.

@@. Khawvel pumah Christmas vuakvet lai hi mahni intihlum tlem lai ber niin mithiam ten an chhut.

@@. Tun hma chuan England rama Christmas vuakveta an chawhmeh lar ber chu Vawklu a ni tlat.

@@. Irving Berlin hla *White Christmas* hi khawvel puma Christmas Hla album hralh chhuah hnem ber niin an chhut. Film pakhat White Christmas hla a ni a. Kum 1954 a Rosemary Clooney album release anih ațang khan mi chi hrang hrangin an record a. Tunah hian copy Maktaduai 100 zet hralh chhuah tawh niin an chhut a ni.

@@. England pa lar Oliver Cromwell khan a hunlai khan a hmuh phak chinah Christmas vuakveta Intihhlimna leh Carol vel hi a phal tlat lo. Tawngțai leh Sermon ngaihthlak chiah a phal. Khirh ve khawp mai.

@@ . Kum 1969 December thla khan US President Richard Nixon te nupa chuan Christmas Card 40,000 zet an thawh chhuak.

@@. Guinness World Record chelhtu Christmas Tree, tuia lâng thei (floating) lian ber chu khawvela Kristian population tamna ber ram Brazil khawpui pakhat Rio de Janeiro a awm a ni a. 280 Ft. a sang niin quintal 35 zeta rit a ni.

(Photo tarlan a ni. A hmunah hmuh a chakawm hle mai. -Vlc)—————🎄—————

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!