Lawng suamhmang han tih chuan kan mit thlaah mipa hmel bumro tak a rawn lan theuh a rinawm. Mahse 18 century 1775-1884 chho vela lawng suamhmang hlawhtling ber a an sawi thin chu chinese hmeichhe chelo tak Hsi Kai-i a ni tlat a ni.
Hsi Kai chu lawng tam tak leh lawng suamhmang mipa 10,000 chuang vel hruaitu ani a. Hsi Kai-i, rilru a lian ber chu a thil ruk leh indo na hmun atanga a hlawh chhuah te chu a tar huna nuamsa taka nun a hman theih nan a ni. Hsi Kai hi nula chhelo tak ani a, a tir chuan lawng suamhmangte chakna phurutu pakhat ve mai a ni.
Nikhat chu Hsi kai-i hian a inzawrhna hmunah lawng suamhmangte boss pakhat Ching Yih nen anin tawnga Hsi Kai-i hi hmeichhe fing tak leh tawngkam thiam tak anih vangin Ching Yih chuan a hmei atan a nei ta a ni. Tichuan hsi kai-i chu lawng suamhmangte zingah a hun an hman tak tak chinah chuan, lawng suamhmangte group pakhat leh pakhat inkara buaina awm thin chingfeltu ber a rawn nih chauh hial avangin, hun rei lote chhungin a pasal rosum atang 50% chu a kutah a lut vek hman a ni.
Kum 1807 khan Hsi Kai-i pasal Ching Yih chu a boral a, a pasal lawng 1,000 chuang chu Ching Yih nupui pakhatna hian Hsi Kai-i hnenah a hlan a ni. Hsi Kai-i chuan lawng suam hna chu a chhunzawm zel a hun rei lote chhungin a hnuaiah lawng suamhamng hmeichhia leh mipa belhbawmin mi 50,000 chuang an thawk hman a ni.
Hsi kai-i hi mifing tak anih ang bawkin a duham hle a lawng suam chauh chu a duh tawk ta lo khawvel pumah a hming lan tir a duh tlat avangin china hmar lam tuipui kama khaw awm zawng zawng chu a kut hnuaia awm turin a duh ta tlat mai, tichuan a kut hnuai a thawkte nen chuan an do a, china ram tuipui hmar lama awm khua zawng zawng chu a kut hnuaiah a dah ta vek mai a ni.
Hsi Kai-i tuipui lalnu anih mai bakah khawvel sumdawng lian tak takte tan mi hnawk tak anih tak avangin Kum 1810 khan England, Turkey leh china chuan Hsi Kai-i chu nuaichimit an tum ta a ni, Mahse an duh ang a an tih theih mai loh avangin Hsi Kai chu biak an tum ta a ni. Tichuan Hsi Kai leh China ram lal chu inbiakna an nei ta a, Hsi kai chuan a lawng zawng zawng leh a ralthuam zawng zawng chu China sorkar hnenah a hlan.
Mahse Hsi Kai hian sorkar hnenah a hnuaia thawktute zawng zawng zalen taka nun an hman theih nan leh an rosum zawng zawng pawh official taka an zawrh theih nan sorkar hi a ngiat ve bawk. Hsi kai-i hi hmeichhe kawlhrawng leh chak tak anih vangin Sorkar chuan Hsi kai-i rawtna chu a lo Amen hmiah mai a ni.
Tichuan Hsi Kai-i pawhin nuamsa taka kum 30 chhung vel a nun a hmang hnuah kum 1844 khan kum 69 mi niin a boral a ni.
Lawng suamhmang anih lai a Hsi kai-i Dan zam chu hengte hi a ni
- Mahni ai a lalte thu pek zawm lo tu chu an lu tan sak tur a ni
- Mahni hmasial taka sorkar sum leh khaw mipuite sum ruk sak loh tur
- lawng suamtu ten an lawng suam atanga an sum hmuh chu a hmun a kal ten 20% an insem a nga a bak 80% chu group ah an rawn chhung lut tur a ni.
- lawng an suam a, an chak loh changa nunna chanta te chu an chhungte hnenah tanpuina a pe thin
- hmeichhia emaw mipa pawh nise an mimante pawngsualtu chu an lu tan sak tur a ni.
- An man hmeichhiate leh lawng suamhmangte hi innel tir a phal lo a, induh tawnna vang pawhin sex an lo hman dun anih chuan lawng suamhmang chu a lu tan sak tur a ni. an mi man hmeichhia pawh a kut leh ke phuara tuipui a thlak tur ani bawk.