Khawvel Huapa Ziaktu Lar Indian-born Salman Rushdie kum 75 Mi Chuan New York-ah Chemte Nen Beih A Tawk
Iran in 1980 kuma that tuma a lo vau tawh Indian-born author Salman Rushdie chu Zirtawpni zing lam khan New York-ah chemte nen beih a tawk.
Police te sawidanin, Zirtawp ni liam ta khan Salman Rushdie chu dawhsanah Interview a neih laiin pa pakhat Hadi Matar kum 24 mi chuan a nghawngah chemtein a vit a, tualchhung damdawi inah Helicopter hmangin thlawhpui nghal a ni. Kum 75 a upa Salman Rushdie ziaktu lar hi Chautauqua Institution-ah Lecture pe tura sawm a ni a, vanduaithlak tak maiin beih a tawk ta hlauh a ni.
Damdawi ina thawk doctors te chuan Rushdie hi a hliam na hle tih an sawi a, a thin a chhiat bakah a ban thahrui a chat bawk a, a mit pawh a hloh mai an rinthu an sawi a ni.
Rushdie vittu a puh Hadar Matar kum 24 mi hi Police ten an kawl tawh a, amah hi New Jersey, Fair View a cheng a ni.
State Police Maj. Eugene Staniszewski chuan Zirtawpni tlailam khan news conference-ah eng vanga Salman Rushdie hi tianga beih tawh ta nge a nih tih leh Matar’an that a tumna chhan chu hriat a la ni rih lo niin a sawi.
Rushdie bakah hian amah kawmtu Henry Reese pawhin a lu ah hliam tenau a tuar bawk a, local hospital-ah enkawlna pek a ni.
