Your Daily News

Mobile App ah chhiar theih in a awm e

DOCTOR HNENA HMEICHHIA TE INEN TIR ( CHECK UP ) ZEUH ZEUH THIN TUR NATNA CHI 5

0 1,142

Ram changkangah chuan palh a awm hlauin, an dam that reng pawhin hospital ah an in check up zeuh zeuh thin a ni. Tui baw hnu ruh vek a har tawh ang bawkin, kan tlai chuan nun chhan a har tawh hle thin.  A bik takin tunna kan sawi tur hi hmeichhia zawng zawngte chuan doctor hnenah check up na nei zeuh zeuh thin thei se a tha hle a ni.

1. Chhul cancer

Hmeichhe kum 21 leh kum 65 inkar chuan Pap Test hi kum thum danah vawikhat tal neih theih a tha hle a ni. Thil har ani lo a, Doctor te chuan chhula cell awmte chu an ziat zeuh a nga cell thandan a dik leh dik loh an en dik dawn a ni. Kum 30 chunglam tan chuan HPV hrik a awm leh awm loh pawh en tel theih a tha hle bawk. A chhan chu he HPV virus hian chhul cancer a thlen thei a ni.

2. Hnute cancer

Hmeichhe kum 40 leh 75 inkar chuan kum khat danah in check up theih a tha hle, kan chhungte ah cancer natna nei an awm phei chuan in check up ngei ngei thin tur a ni.

3. Ruh mawih

Hmeichhe Kum 65 chunglam te chuan kumtin in chek up thin ngei ngei tur a ni.

4. Rilpui cancer

Hmeichhe kum 50 chunglam te chuan kum 5 danah vawikhat sigmoidoscopy hmanga in check up tur a ni. kum 10 danah vawikhat colonoscopy in check up tir pawh a tha hle bawk. rilpui cancer hi atlangpuiin kum 50 chung lam ten an vei duh bik hle thin a ni.

5. Zun thlum leh thisen thlum

Hmeichhe kum 40 leh 70 inkar te hian zun thlum leh thisen thlum natna an vei duh bik avangin kum tinin check up neih theih a tha hle. Heng natna te avang hian lung natna a thlen thei bawk a ni, mi tam takin an mit an hloh phah bakah an nunna thleng an chan phah thin a ni.

 

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com