Your Daily News

Damdawi Lama Thiamna Nei Pa Pakhat Chu Dawithiamna Lam Nena Inzawmna Neiah Ringhlelin A Nungchungin An Halhlum

0 711

“Kan zavaiin engmah sawi tur pawh kan hrelo, mak kan tiin kan lungaia he thil thleng hi thua sawifiah ngaihna pawh kan hrelo” Project leader

Mayan Medicine specialist leh pi leh pute thiamna hmanga damdawi lama thiamna nei Mayan Elder chu dawithiamah rinhlelh a nih hnuin mipui thinrimin a chenna hmun Chimay, Guatamela ah an that tih hriat a ni.

Domingo Cho Che, University College London (UCL) pharmaceutical project nen tangkawpa damdawi siamchhuahna lama thawk lai chu Inrinni khan a nunga halhlum a ni.

He thil thleng avanga buaina a sosan tak avangin sawrkar chuan he thil thleng chungchang hi chhui a nih tur thu leh leh Mr. Domingo in rorelna dik a hmuh ngei theih nan leh Mayan vantlang pumpui tan pawh hmalak a ni dawn tih a sawi.

UCL project hian ram lei lung hausakna hmang tangkaia damdawi siam chhuah kawngah hma lain Mayan damdawite tangkai zawka hman a nih theih nan Universidad del Valle de Guatamela nen thawkdunin he project ah hian Domingo pawh a thawk ve a ni.

Dr Michael Heinreich pawhin thawhpuite nunna hloh chu a lungchhiatthlak rualin Domingo te ang mithiam leh pa fing tak Mayan upa min an chan ta chu pawi a ti tak zet tih a tarlang.

Source: Independent

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!