Your Daily News

An Retheihna Avang Leh An Khawsak Harsat Em Avangin A Fanu Ngei Mai Chu A Zahawmna Pawh Zah Zo Loin A Hralh

0 890

Hmeichhe naupang Kieu tia hriat kum 12 mi lek chu a nuin hna thawhpui turin in atangin a hruai chhuaka mahse, eng hna mah thawk ta lo chuan doctor hnenah hruai a nia he naupang hi a thianghlim a ni tih finfiah nan lekha a siamsak ta zawk a ni. A hnuah Hotel lamah a dah phei leh taa he hmunah hian pa pakhatin ni 2 chhung zet a pawngsual zui ta a ni.

Freedom Project leh human trafficking lam dotu UNODC Goodwill Ambassador, Mira Sorvino te tangkawp chuan Cambodia ram hi tlawhin heta an hmuhchhuah chu nitin maiin Cambodia ramah naupangte mipathmeichhiatna lam hawia melh ching mi thahnem tak an awm tih an sawi a ni. He ramah hian mihring inhralhrukna chu a nasa hle tih an sawi a ni.

Svay Pak, Phnomh Penh hmuna naupangte mipathmeichhiatna kaihnawih a hralhrukna hmun lar tak mai ah hian Sorvino hian Kieu hi a hmu fuh ta hlauh maia hetih lai hian Kum 14 a lo tling ve tawh nghe nghe. A hnuah vanneihthlak takin Agape International Mission (AIM), hmeichhe naupangte leh tleirawl mipathmeichhiatna lama hralhrukte chhanchhuah hna thawktu pawl chuan he hmun atang hian an chhanchhuak ta a ni.

Kieu naupang lainatawm tak mai hi amah hringtu nu ngeiin Kum 12 a nih laiin Khmer lam mi pa pakhat kum 50 bawr vel fa 3 nei tawh hnenah a hralh tih Sorvino chuan Cambodia Journal a hrilh bawk.

He hmeichhe naupang man tur hi a hmain $1,500 an lo pe lawk nghe nghe tih hriat a nia, amah mipate hnena hruai thintute pawhin sum an hmu ve bawk tih an sawi a ni. He a fanu a hralhna pawisa hmang hian ba a intlak bakah an Floating housea hnuaia an sangha khawi chaw lei nan leh chhungkaw ei in lei nan an lo hmang ve a ni.

Kieu in a sawidanin eng hna nge a thawh dawn tih pawh a hre bik lo tih a sawia, a hna thawh tur chu a tan a tha dawn lo a ni tih erawh a ring tih a sawi. Tiang hian rilru hamhaih leh thlabar takin a awm tih a sawi a ni. A thianghlimna heng misualho hnena a hloh ta mai chu a lungchhe tak zet tih sawiin engmah tih theih a nei chuang si lo tih a tarlang.

Tiang hian Kieu chu a banah kaiin an duhna lam a piangah tawmpui niin ama sawidan phei chuan jail tang ang mai a nih tih a sawi nghe nghe.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!