Action Hero Arnold Schwerzenegger Hian A Vanglaiin Nikhatah Mipathmeichhiatna Vawi 5 A Hmang Ziah
Action hero lar Arnold Schwerzenegger kum 75 lo ni ve ta hi lemchan khawvelah chuan a aia mi hlawhtling an tam lo khawp ang le! Lemchan khawvel atanga politic a luhchilh hnuah pawh hlawhtlinna a hmu chho zel a, tunah erawh ram hruaina thlengin a chawlhsan ve ta a ni.
Lemchan khawvela hlawhtlinna a hmuh ang zetin, Arnold Schwerzenegger hi mipa thothang tha tak a nih avangin mipathmeichhiatna lamah pawh a duai lo hle a, nikhatah vawi 5 chuang zet hmeichhia a mutpui thin tih hriat a ni.
Amah hrechiangtu leh a thiantha True Lies Co-star Tom Arnold sawidanin, Arnold hi a taksa hriselna a that em avangin nitin hmeichhia vawi 5 lai a mutpui thin tih a sawi a, a chenna inah hmeichhe lutchhuak an tam thei hle niin a sawi. A vanglaiin Pu Arnold hian hmeichhia a kawp ngun hle a, mahniin a awm lo tluk a ni tih sawiin, a chang chuan a huhovin mipathmeichhiatna an hmang thin a ti bawk.
A sulhnu leh nunhlui chu a kalsan mai thei lova, nupui a neih tawh hnuah pawh Arnold hian hmeichhe dang kawp a ching hle niin an sawi a, a nupui Maria Shriver nen kum 25 an inneih hnuah an inthen a, an inthen chhan pawh an awmpui nula a lo mutpui thin vang nia hriat a ni.
A hnuah an sawidanin, Arnold hian an awmpui nula chu nau a paitir a, hei hian an nupa inkar boruak chu tichhe zual sauhin a tawpah phei chuan nupa inthenna a thleng zui ta a ni.
