ZAYN MALIK LEH GIGI HADID AN INTHEN LEH TAWH EM NI
Milar inngaizawng zinga chanchin ngah ve tak Zayn Malik leh Gigi Hadid-te chu an inṭhen leh tawh niin khawthlang media-te chuan an tarlang.
English singer Zayn Malik leh American fashion model Gigi Hadid-te hian chanchin sawi neuh neuh tur an ngah ve hle a, an inṭhen thu ringawt pawh hi vawi tam a darh tawh a ni. Tun hnaiah pawh an inṭhen tih thawm a awm leh ta a, engchen nge an daih dawn tih chu hriat chakawm tawh tak a ni.
US Weekly magazine chuan, “An inban leh ta! An ṭha leh mai dawn nge an inṭhen hlen dawn? Tunah rih chuan an inkar a tawp a ni,” tiin a tarlang. Malik hian thla hmasa lawk khan a kawppui Gigi hi hahipin a lo fak tawh a, an inkar boruak erawh a ṭhat phah chuang lo a ni.
‘Pillowtalk’ singer Zayn Malik leh American model lar Gigi Hadid-te hi kum 2015 aṭang khan an inzui ṭan a, ngaihven pawh an hlawh hle. Mahse an inkar a fuh hlei thei meuh lo a, nikum March thla pawh khan an lo inṭhen tawh a ni.
Vanglaini