Brazilian model Adriana Lima chuan chhan leh vang ṭha tak a awm a nih loh chuan inphelhruah a tum tawh loh thu a sawi.
Victoria Secret model Lima chuan, “Hmeichhiate hi kan inring tawk tur a ni a, kan nihnaah hian kan lungawi tur a ni. Chhan leh vang mumal pawh awm lo a, mipui hmuh tura lo inphelh ruah ve ngawt hi lo tih loh tawp tur a ni. Kan zahawmna hi tumahin min hum sak dawn lo a, chhan leh vang ṭha tak a awm a nih loh chuan kan zahawmna tibawrhbang turin eng thil mah kan ti tur a ni lo” a ti. Actress ni bawk hian tun hma lamin ruak thaw thanga thla a lo lak ve tawh ṭhin avanga inchhir thu a sawi a, tunah chuan a atthlakzia a hre chhuak tawh te pawh a ni mahna.
Victoria Secret Fashion Show-a inlan tum tawh lo Lima chuan, “Film sexy tak takah chang turin sawmna ka dawng fo a, vawi eng emaw zat ka lo inlan tawh bawk. Khangte kha internet lamah a darh nasa em em a, paih bo leh vek pawh tum mai ila thil theih a ni tawh lo. Chuvangin ka hmeichhiatpuiten harsatna an tawh ve lohna turin keimah aṭangin inzir se ka duh a ni” a ti bawk. VICTO