Your Daily News

Thikthuchhiat Vanga Mipa Ho Awm Dan Chi- 3

0 1,330

1. Ziah dan a awlsam zawk nan (bialpa) tiin ka hmang mai ang. I pasal pawh a ni thei tho a nia. I bialpa kha a hlim lo tih i hriaa a hlim lohna chhan lah engmah a sawi si lo. Tha takin zawt mah la a thikthuchhiat thu hi a sawi lo ang. Chu tak chu engvanga hlim lo nge anih i lo hriat thiam a tul a ni. Pakhatna ah chuan a thikthu a chhiat chuan a ngaihsak lo der ang che. A ngaihsak lo tak tak che ni lovin a thikthuchhiat vangin a in ti ngahsak lo der ang che.

2. Pahnihna ah chuan a be tha duh lo ang che. I biak hmasak loh chuan biak hmasak che a tum ngai lo anga i biak hmasak pawhin a chhang tha peih vak lo ang che. A huat vang che leh a hmangaih loh vang che ni lovin a thikthuchhiat vang ani tih i lo hre dawn a nia. Tah chiah khan, han ngahsak deuh la, (han chul kual vel la) a reh leh nghal mai ang. I lo thinrim ve vak ringawt chuan inbe lova awm chat char a ni mai.

3. Pathumna ah chuan, a runluih ang che. I inchei deuh hlek chuan, tunlai chu i va tang nasa ve. Hmuh tur tha i nei deuh a ni maw tiin nidanga a tawng chhuah ngai miah loh kha nui ti ti chungin a ti lui vel ang che. Kha kha mipa tu emaw nen a thik deuh vang che a ni a, i pasal hmuhah mipa dang be tha lutuk lo mai la, a tha ve leh mai ang. Tuna kan tarlan anga i bialpa a awm anih ngai chuan min hmangaih tawh loh em ni tiin ngaihtuah lova min hmangaih zawka a thikthu a chhia ani tih ring zawk la, tawngkam nem takin be rawh.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com