Your Daily News

Mobile App ah chhiar theih in a awm e

SHAH RUKH KHAN KUTAH CRYSTAL AWARD

0 150

Bollywood star Shahrukh Khan chu naupang leh hmeichhia te humhalh leh chawikan kawnga a hna thawh ṭhat avangin Crystal Award hlan a ni.

Davos, Switzerland-ah nimin khan World Economic Forum neih a ni a, he hunah hian chawimawina hi hlan a ni. Shah Rukh Khan hian hlawkna um loin ‘Meer Foundation’ a din a, hemi kaltlang hian hmeichhia leh naupang acid hmanga beih tawk te leh an taksa bung hrang hrang kang te enkawl a, an dam khaw chhuah leh theihna turin nasa takin hma a la a ni. Rahbeh leh tihduhdah tuarte ṭanpui a, an din chhuah theihna tura vocational training buatsaih sak chu a hnapui ber a ni. Hemi kawnga a hnathawh ṭhat avang hian chawimawina hi hlan a ni. Shahrukh Khan rual hian Australian actress Cate Blanchett leh legendary musician Elton John  te hnenah pawh Crystal Award hi hlan a ni bawk.

World Economic Forum-ah hian khawvel ram hrang hrang aṭangin sumdawng, politician, academician leh ram hruaitu lawk tak tak mi 3,000 vel zet an tel. He hun hmang tur hian India Prime Minister Narendra Modi pawhin Switzerland a pan a, US President Donald Trump, German Chancellor Angela Merkel, French President Emannuel Macron leh UK Prime Minister Theresa May te pawh an tel.

 

Credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com