Your Daily News

Mobile App ah chhiar theih in a awm e

SELENA-IN A NU THU A AWIH LO!

0 586

Selena Gomez leh a nu Mandy Teefey-te inkar ṭhat loh thu hi tun lai khawthlang media-te chawtui ber pakhat chu a ni. Mandy Teefey chuan a fanu hian thurawn a pawm duh meuh lo niin a sawi a, Woody Allen thawpui lo tura a ngenna pawh a zawm duh lo niin a sawi.

American filmmaker Allen hian romantic comedy film ‘A Rainy Day in New York’ a buapui mek a, hetah hian Selena-i pawh hi a changtu zingah a tel. Mandy chuan a fanu hi Allen thawhpui lo turin thurawn vawi eng emaw zat a pe tih sawiin, Selena hian a zawm duh lo a ni, a ti. A fanu hian a tana ṭha tur nia langah pawh tu thurawn mah a ngaipawimawh lo nia sawiin, ama duh dana a kal zawk fo thu a sawi. Hetih rual hian Selena hian Allen a thawhpui avang hian ngaihdan a dil tawh niin a sawi bawk.

Allen hian mipat hmeichhiatna lamah hmingchhiatna a neih avangin beih a tawk mek a, a film siam mek pawh hi a hlawhchham phah mai a hlauhawm nia tarlan a ni. Heting a boruak a awm leh tak si avang hian Mandy pawh hian a fanu chungchang hi a rawn thar thawh leh a ni.

Hei mai hi a la ni lo a Justin Bieber chungchangah pawh Mandy leh Selena-te hi an ngaihdan a inan loh vangin an inkar a ṭha lo hle nia sawi a awm mek. Mandy hian Canadian singer JB-a hi makpa atan a duh lo a, a fanu hnenah pawh ṭhen turin thurawn a pe nia tarlan a ni bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com