Twilight star Robert Pattinson leh Katy Perry te chu Los Angeles-ah hmuh dun an ni a, sawi zawm an hlawh nghal hle.
American singer Katy Perry leh Robert Pattinson-te hian tun hnai khan Taix French Restaurant-ah zanriah an kil dun a, mita hmutute chuan an inhaw lo tih a chiang hle niin an sawi. Hemi chungchang hi anni pawhin an pha bik lo a, an chhuak dun ngei tih an zep lo. Robert leh Katy chuan, “Kan chhuak dun a, zanriah pwh kan kildun ngei e. Hetih rual hian kan inkar thu hi mimal thil a nih avangin sawi chhuah vek a rem lo” tiin an inkar thil chu puanzar a rem loh thu an sawi.
Khawthlang media-te chuan an chanchin hi an ngaihven nghal hle a, an inzui satliah mai tawh lo niin an tarlang. An chhuak dun pawh hi an inkai a, tuma tihbuai lohin room hranah zankhaw tairek thlengin hun an hmang dun niin an sawi. Kum 31 mi Robert hian Katy hi hun eng emaw chen a ṭang tawh khan a lo ngaihven ru tawh niin an sawi a, kum 2016 pawh khan Sunset Tower Hotel-ah hun an lo hmang dun tawh niin an tarlang cheu bawk.
Anni pahnih hi kum 2013 vel aṭang daih tawh khan sawizawm an lo ni tawh a, ṭhian ṭha satliah ngawt lo deuhte pawh an lo ni a ni mahna.