Your Daily News

Pathiannu Lim Biakna Kiangah Duhdah Taka Thla A Lak Avangin Hremna Pek A Ni

0 588

Sakhaw dang biakna tibawrhbang zawnga khawsak hi thil tih chi lo tak niin thil pawi tak pawh a ni. Thailand, Uthan Thani-a khawsa nula kum (18) mi chuan goddess Guan Yin lim, an pathiannu lim biakna bulah mawng langa thla a lak avangin chawi tura hremna pek a ni tih hriat a ni.

June ni 24 khan a bialpa Yodbua kum (26) mi nen Nakhon Sawan hmunah nuam tawl turin an leng chhuaka, sakhaw hmun thianghlim lai bera an ngaihah chuan nula hian a mawngbawr tattoo tilangin thla a laa facebook lamah an post zui ta a ni.

He goddess Guan Yin kianga a thlalak avang hian netizen-te an inhnial nasa hlea, a thenin mawi an tih laiin an thente chuan thil tih chi loh tak a ni an ti ve bawk. Heng an inhialna chhan ber thlalak chungchang hi thuneituten lo hriain hma an la nghala, sakhaw thil tibawrhbang zawnga he nula hian thla a lak avangin Thai pawisa 1,000 baht chawi turin hremna an pe ta a ni.

A bialpa Anan Yoddua chuan a mawngbawra tattoo hi mawi a tih em avangin thla a laksak mai a ni tiin a sawifiah ve thung. Rang takin goddess Guan Yin hnenah kalin ngaihdam an dil tih an sawi. He pathiannu lim hi Thai Buddhist leh Chinese ho chuan an zah em em a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!