American singer Nick Jonas leh actress Demi Moore te chu an in date niin khawthlang media te chuan an tarlang mauh mai.
Kum 25 mi Nick Jonas leh Demi Moore te hi sawi zawm an ni mek a, thu chiang erawh a awm lo. Demi Moore hi kum 55 mi lai a ni tawh a, amah aia kum 30 vela naupang nena sawi zawm anni hian mak tih a hlawh hle. A tu zawk mahin an in date thu an sawi loh avangin thudik a ni em tih chu hriatthiam harsa tak a ni.
Hetih lai hian Nick Jonas hian amah aia upa a lo chhai fo tawh avangin Moore nena sawi zawm an ni pawh hi a mak lo. A hmain Kate Hudson leh Australian singer Delta Goodrem te nen pawh sawizawm a lo ni tawh a ni. Jonas hi Victoria Secret model Georgia Fowler nen pawh sawizawm an ni bawk.
Demi Moore hian pasal – Ashton Kutcher, Bruce Willis leh Freddy Moore te a nei tawh a, fa pawh pathum lai a nei tawh a ni.
credit, vanglaini