India ram khawpui lian Mumbaia khawsa lemchanthiam lar, model leh casting co-ordinator ni bawk Aditya Singh Rajput chu vawiin May 22 ah bathroom chhungah thiaa hmuh a ni tih report chuan a tarlang.
Thudawnnain a tarlan danin, India actor lar Aditya Singh Rajput ruang hi Mumbai khawpuia a chenna in chhawng 11-na bathroom chhungah hmuh a ni a, a thih chhan an chhuichiannaah damdawi hmansual vanga thi a nih thu an tarlang a ni.
Aditya ruang hi a thian pakhatin a hmu hmasaber niin an sawi a, watchman chuan damdawi in lamah a tlanpui nghal a, damdawi in thlenpui a nih hnu pawn an chhanchhuak thei ta chuang lo a ni. Doctor ten an endiknaah damdawi overdose vanga thi a nih thu an sawi a ni.
Delhi lam chhuak actor Aditya hian film industry-ah pawimawhna leh sulhnu tam tak a nei hman a, Reality TV show Splitsvilla 9, heng TV project Love, Ashiqui, Code Red, Awaaz Season 9 bakah Bad Boy Season 4 ah te a lo inlan tawh ani.
