Your Daily News

Hontrade Ṭhazual Fakna A chung berah Jennie Lalruatfeli

0 1,393

Jennie Lalruatfeli chuan ‘Ka thinlung lawmna’ tih hla hmangin Hontrade Ṭhazual Faknaah pakhatna a hauh, chart-a dinhmun sang ber a luah ṭum khatna a ni.

Jennie hian chart-ah panga-na leh pahnih-nate pawh a lo hauh tawh a, tun ṭumah hian R. Lalrinmawii (Arini) chu khumin a chungberah a rawn inlangkai ta a ni. ‘Ka thinlung lawmna’ tih hi Amtea’n sap hla a lehlin a ni a, Jennie hian thiam takin a sa a ni. Music video hi nikum November thla tawp lam khan tihchhuah a ni a, Zonet lamah chuan thlan hlawh ber a ni mek. Praise On 2015 aṭanga mipui hmelhriat Jennie hian music video pahnih a tichhuak tawh a, a hmain ‘Penchhuak rawh le’ tih a lo siam tawh a ni. Tunah hian music video a buaipui leh mek a, March thla vel hi chuan tihchhuah hman beisei a ni. Jennie hian YouTube pawh a hmangṭangkai viau a, ama channel ‘Jennralte’ kaltlangin kartin Inrinni a piangin hla thar a dah chhuak ṭhin. A hlate hi Mizo leh sap hla a cover a ni tlangpui.

Tun ṭum chart-a pahnihna chu Arini a ni a, a ni hi hun eng emaw chen pakhatna lo luah tawhtu a ni. Thawhlehnaniropuia chu ‘Min hruai zel ang che’ tih hla hmangin a sang pathum zingah a inhlangkai a, palina chu Lalnunpui Kawlni a ni. Panga-naah hian trio kan hmu a, Cindy, Arini leh Mapuia te chuan ‘An fak ning lawng’ tih hla hmangin top 5 an khar. Aizawl Venglai KTP, Mika Group-te chu parukna an ni a, Dr. Zoa, Seraphic Choir, One in Christ leh H. Lalnunhluii te chu a sang 10 zingah an tel bawk.

Hontrade Ṭhazual Fakna Top 10

1. Jennie Lalruatfeli – Ka thinlung lawmna

2. R. Lalrinmawii – Krawsah khan

3. Thawhlehnaniropuia – Min hruai zel ang che

4. Lalnunpui Kawlni – Ka enna

5. Cindy, Arini & Mapuia – An fak ning lawng

6. Aizawl Venglai KTP, Mika Group – Krawsah chuan famkim I ni

7. Dr. Zoa – Hruaitu Isua

8. Seraphic Choir – Min chawisang ṭhin

9. One in Christ – Ka pa Lalram

10. H. Lalnunhluii – Jordan lui

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!