Your Daily News

Hontrade Ṭhazual Fakna Arini khum thei an la awm lo

0 488
Hontrade Ṭhazual Fakna Arini khum thei an la awm lo

‘Krawsah khan’ tih hla thiam tak maia satu R. Lalrinmawii (Arini) chuan Hontrade Ṭhazual Fakna-ah a zawnin pakhatna ṭum ṭhum a hauh ta a, khum thei an la awm lo.

Praise On 2016-a pakhatna Arini hian November 21 aṭang khan chart-ah hian dinhmun sang ber a hauh ṭan a, a chung berah awm chungin kum a khar thei dawn a ni. ‘Krawsah khan’ tih hla hi October thla khan tihchhuah a ni a, Hontrade Ṭhazual-ah thlan a hlawh nghal hle. Thla khat awrh a liam tihah pakhatna a hauh nghal thei a ni. A hla hi sap hla lehlin niin, kumina music video a tichhuah awm chhun hi a hit hle. Arini hian kum thar tir lamah hla thar tichhuah leh a tum mek bawk.

Tun ṭuma pahnihna hauhtu chu chart hmasa lama pangana Jennie Lalruatfeli a ni a, a ni hian ‘Ka thinlung lawmna’ tih hla hmangin hma a rawn sawn zel. A hla hi mizote rilrem zawng tak a ni a, thlan pawh a hlawh malh malh hle. ‘Min hruai zel ang che’ tih hla satu Thawhlehnaniropuia pawhin hma a rawn sawn a, One In Christ nek chhuakin pathumna a ni. Lalnunpuii Kawlni chuan pasarihna aṭangin palina a rawn hauh bawk.

Panga-naa awm One In Christ te sawi nep theih an ni lo a, top 10-a lang thei hla pahnih an nei mek. ‘Ka pa Lalram’ tih chu pangana niin, ‘Chibai i buk ang’ tih chu pariat-naah a awm bawk.

Top 10-ah hian Dr. Zoa, Betea, Vanlalmalsawmkima leh Sawmtea te kan hmu bawk. Betea leh Sawmte hi chart hmasa lamah khan an hmel kan hmu lo a, tun ṭumah erawh Krismas hla nen an rawn kir thung.

HONTRADE ?HAZUAL FAKNA

1. R. Lalrinmawii – Krawsah khan

2. Jennie Lalruatfeli – Ka thinlung lawmna

3. Thawhlehnaniropuia – Min hruai zel ang che

4. Lalnunpuii Kawlni – Ka enna

5. One In Christ – Ka pa Lalram

6.  Dr. Zoa – Hruaitu Isua

7. Betea – Alo her chhuakleh dawn ta

8.  One In Christ – Chibai i buk ang

9. Vanlalmalsawmkima – Thilpek zawng zawnga ropui ber

10. Sawmtea – Krismas ni lawmawm

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com