GRAMMY AWARD-A SAWIZUI HLAWH KESHA

Kum tina sem ṭhin music lama chawimawina sang Grammy Award chu a vawi 60 nan Pathianni zan khan Madison Square Garden, New York-ah sem a ni a, show zawha sawizui hlawh ber chu American singer Kesha perform a ni.

Bruno Mars  leh Kendrick Lamar te chu mimala award dawng hnem an ni a, an langsar viau. Hetih lai hian award sem phena langsar chu Kesha hi a ni. Kesha hi stage-a perform zinga mit la ber pawl niin, lawm pawh a hlawh hle. Praying hla a sak laiin Cyndi Lauper, Camila Cabello, Andra Day leh Julia Michaels-te’n an ṭawiawm a, an video leh thlalakte hi social media lamah pawh a darh nasa hle a ni.

Lady Gaga, Lana Del Rey, Miley Cyrus leh zaithiam lar tam tak inlan karah hian Kesha hi a chungnung a, Twitter lamah pawh a lar vet vet hle. Kesha chevel hi a hmuhnawm a, stage-a a perform laiin hian a mittui a tla hial. Camila Cabello chu mipui mitfukna ber pakhat a ni bawk.