Kum tina sem ṭhin Grammy Award chu January 28 hian sem a ni leh dawn a, he huna zaithiam inlan turte pawh puan an lo ni tawh. Award semnaah hian Rihanna, DJ Khaled leh Bryson Tiller te pawh an perform tur thu tun hnai khan puan a ni ve leh ta.
Barbadian singer Rihana, American record producer Khaled leh American singer Tiller te hian ‘Wild Thoughts’ hla an perform dawn a ni. Cardi B, Bruno Mars leh Kesha te chu a huhoa inlan tur an ni bawk a, anni bakah hian SZA, Luis Fonsi leh Daddy Yankee te chu stage mawitu zingah an tel dawn bawk.
Grammy Award vawi 60-na tur hi Madison Square Garden, New York-ah sem a ni ang. Las Vegas-a inkahna rapthlak tak thlenga nunna chante hriatrenga hun hman a ni dawn bawk a, Eric Church leh Maren Morris te an inlan ang.