Your Daily News

ENGVANG NGE MIPA TEN HMEICHHE HNENA INNEIHPUI TURA A SAWM HIAN A THINGTHIT KHER?

0 864

Dan tlangpuiin mipa ten an bialnute hnena inneihpui tura an sawm hian a bialnu tan thil pakhat tal kengin ” pasal a tan min nei duh a ngem ” tih chu thingthi chung kherin an zawt thin , engvang nge mipa zawk hi a thingthit kher thin?….

Thingthi chunga inneihpui tura sawmna hi eng tika tanga chinchhuah tan nge tih erawh tumah’in an sawi thei lo, Mahse thingthitna hian a kawppui tana rinawmna vawng tura intiamna theory a lanchhuah tirna anih thu an sawi.

AD 1100 leh 1400 inkar vel khan mihuaisente hnenah chawimawina an hlan hian chawimaina dawngtu mihuaisente chuan thuneitute hmaah thingthiin zahna a lan tir thin a ni. Chutiang bawkin an hmeichhe hmangaih leh duh, an ngaihpawimawhte hnenah chuan thingthi’n zahna an lan tir thin bawk,

Sakhuana lamah lut leh ila keini Christian te leh Muslims sakhuabetute chuan tihtakthlaka Pathian kan auh chuan kan thinlung zawng zawng hlanin thingthi chung ngeiin Pathian kan be thin.

Chuvang chuan i bialpa’in thil engemaw keng chunga  thingthi a inneihpui a sawm che hian i hnen atanga ” Yes ” tih ri a hriat duh vang chauh a ni lo. A ngaihhlutna che, a ngaihpawimawhna che leh kumkhuain i tan chauh rinawm tura a intiamna a lan chhuah tirna anih vangin lawm takin leh inchhuang takin lo Yes ve mai rawh le.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!