Your Daily News

Ed Sheeran a ropui 2017 chhunga album hralh tam ber ‘Divide’

0 498

Nielsen Music-in a tarlan dan chuan kum 2017 chhunga U.S-a album hralh kal ber chu Ed Sheeran album ‘Divide’ a ni a, copy 2,764,000 zet hralh chhuah a ni.

‘Divide’ album hi nikum March thla khan tlangzarh niin, hla 16 awm zingah ‘Perfect’ leh ‘Shape of You’ te chu mite ngaihtlak tam ber a ni. English singer hian album pathum a tichhuak tawh a, sum lakluh kawngah pawh Divide hi a hlawhtlinpui ber a ni. A album hi hralh a kal rem rem hle a, Billboard Album Chart-ah pawh vawi eng emaw zat pakhatna a hauh a, a sang 10 zinga a hming awm loh ṭum a awm mang lo. Heti khawpa a hlawhtlinpui album hi dahsan loh theih a ni lo a, a hnuiah hian Kendrick Lamar leh Taylor Swift-te an awm nawk avangin Ed Sheeran ropuina hi hmuhhmaih chi rual a ni lo.

Nikkum chhunga album hralh chhuah hnem pahnihna chu Kendrick Lamar a ni a, a album ‘DAMN’ chu copy 2,747,000 hralh chhuah a ni. American rapper Kendrick Lamar hian April 14 khan ‘DAMN’ hi a tlangzarh a, album hralh tam lamah hian Ed Sheeran hi a hnaih viau bawk. Taylor Swift chuan kum tawp lamah a album parukna a tlangzarh chauh a, mahse he nula chhe lo tak hian a album hralhna tur a haichham lo. November 10-a tlangzarh “Reputation” hi hralh a kal rem rem hle a, tichhuah aṭanga kar khat lek chhungin copy maktaduai khat chuang zet hralh a ni. Thla hnih pawh tling loah copy maktaduai 2.3 hralh chhuah niin, 2017 chhunga album hralh hnem pathumna zinga a tel der. Hei mai hi a la ni lo a, album tihchhuah zinga kar khat chhunga hralh chhuah hnem ber a ni bawk.

Album hralh hnem lamah Drake chu palina a ni a, a album ‘More Life’ chu nikkum chhung khan copy 2,227,000 a hralh a ni. Billboard lama langsar Bruno Mars leh Post Malone pawh album hralh tam zingah hian an lang a, 24K Magic chu copy 626,000 hralh niin, Stoney pawh copy 1,564,000 zet hralh a ni. Canadian singer The Weeknd album hit ‘Starboy’ pawh album hralh hnem zingah hian a tel bawk.

Nikkum chhung khan album hralh hi a kal zual a, kum hmasa aiia a sanna chu 12.5% a tling. Album-te hi Traditional Album Sales, Track Equivalent Albums (TEA) leh Streaming Equivalent Albums (SEA) kaltlanga hralh chhuah a ni a, list pawh hi hemi bechhana siam hi a ni.

#Album Hralh zat

1 Divide (Ed Sheeran) 2,764,000

2DAMN (Kendrick Lamar) 2,747,000

3Reputation (Taylor Swift)2,336,000

4More Life (Drake)2,227,000

524K Magic (Bruno Mars)1,626,000

6Stoney (Post Malone) 1,564,000

7Culture (Migos) 1,438,000

8Starboy (The Weeknd)1,408,000

9Moana (Soundtrack)1,254,000

10American Teen (Khalid) 1,220,000

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!