East India Fashion Week chu January 11-12 chhung hian Assam khawpui Guwahati-ah neih a ni dawn a, ram chhunga designer ṭha eng emaw zat an fuankhawm ang. He hunah hian Mizo designer Engmawia pawh a tel dawn.
Lakme Fashion Week leh International Fashioner Week (IFW) ṭangkawp chuan East India Fashion Week hi an buatsaih dawn a, Vivanta by Taj Hote, Guwahati-ah neih ani ang. He hunah hian designer ṭha mi 26 an fuankhawm dawn a, designer ṭha mi 26 inlan tur zingah hian Engmawiah pawh hi a tel a ni. Designer te kutchhuak ha tur hian model 65 an inlan dawn bawk. Model inlan tur zingah Emily Chenkual pawh a tel a, a ni hi kum 2015-a Sunsilk Mega Miss Northeast-ah khan 2nd runner up dinhmun lo luah tawhtu kha a ni.
Guwahati-a neih tur East India Fashion Week-ah hian Mizo ṭhalai pathum an tel dawn a, Engmawia leh Emily bakah hian Feli Fanai pawh a tel dawn a. Feli Fanai hi Engmawia label ‘Escape Engmoia’ ambassador a nih angin, ‘Escape Engmoia’ show bikah a perform dawn a, a hla hit ‘Pheichhehmawi I khai ang’ tih chu Mizo, English leh Hindi version-in a sa dawn a ni.
‘Escape Engmoia’ label neitu Engmawia hian kum 2014 khan ama pualin ‘ESCAPE Fashion Show and Red Carpet’ tih chu Vairengte-ah a buatsaih tawh a. Vairengte-ah a dawr hmasa ber a hawn hnuah Kolasib-ah a indang leh a, tunah hian Aizawl-ah inbun fel tawhin, Chanmari, Ramhlun Road (IDBI Bank opposite)-ah showroom leh hnathawhna hmun, fashion designing zirna a hawng a ni.