Former Manchester United, Real Madrid leh Juventus forward Cristiano Ronaldo chuan Jacob & Co. siamchhuah Sana manto lutuk tak mai a bun lai chu Instagram story kaltlangin amah ngaisangtute hmuhah a pholang tih hriat a ni.
Ronaldo sana bun hi a man a to phian mai a, sana lei nana a sum sen zat chu £7,50,000 zet niin, Range Rover a leina man let 8 dawnin a sang zawk a ni. Range Rover hi kum tam vak lo liam ta khan £100,000 sengin a lei a ni.
Ballon d’Or vawi 5 zet dawng pha kum 38 a upa Cristiano Ronaldo hian Al-Nassr Club atangin kar khatah £3.4m a hlawh mek a, tun dinhmunah khawvel infiam mite zingah sum hailut hnem ber a ni mek bawk a ni.
Ronaldo hian tun dinhmunah Instagram lamah 584m followers a nei a, posts a siamna atang ringawt pawh hian chawlhkar khatah £3m sum a hailut reng a, a tam zawk chu sponsorship a hmuh atangin a ni.
