Your Daily News

Coronavirus Hrileng Avanga Hna Chân Ta Tleirawlte Zingah Mipathmeichhiatna Lama Zuang Luta Nawhchizuar An Pung: Malin Andersson

0 722

Hman ni mai khan Stockholm khawpuiah a ruka zirchianna an kalpuina atanga a landanin Pandemic avangin thalaiten hna an chân nasat avangin mipathmeichhiatna lama zuang lut leh nawhchizawrhna lam hawia sum zawng an pung tih an sawi. He hrileng hian thalaite nun pawh a khawih chhe nasa a ni.

Coronavirus hrileng hian thalaite nunah nghawng thalo tak mai a nei tih sawiin Sweden police-te pawh an mangang hle tih hriat ani. Thalai tam tak chu dan phalloh mipathmeichhiatna lamah an zuang lut nasaa a chhan pawh he hrileng avang hian mi thahnem takin an hna an chana sum mamawhna a lo san tak avangin a ruka nawhchizuar pawh a pung tih an zirchianna chuan a tarlang bawk.

Secretary of social affairs, Malin Andersson Stockholm City Youth Rapid Response Team-in a sawi danin part time a hna thawhna ang chite chu inkharkhip a nih tak avangin an hna an chan nasa hle a hei hian nasa takin thalaite ah nghawng thalo tak a thlen mek a ni tih Dagens Nyheter a hrilh.

Stockholm khawpuiah zirchianna an neih lai hian hmeichhe 5 te phei chu kum 18 la tling lo an nia, engvanga heng ang dinhmuna ding nge an nih tih zawhna chu chhangin pandemic avangin an hna an chana sum dap dan kawng dang a harsat avangin tiang hian bul an tan leh tih an sawi a ni.

Detective Inspector Simon Häggström pawhin he an thil zirchianna atang hian thalaite zingah mipathmeihmeichhiatna lam hawia tlan an pung tih a lang chiang hle a ti bawk.

Social services lama thawktute chuan tleirawl hmeichhe tam tak chu ‘Sugar dating sites’ lamah mahni intarchhuakin mipa puitlingte chuan an dawr thin tih sawiin an hmalam hun atana harsatna a thleng ngei dawn niin an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com