Your Daily News

Chatlak Lova Games A Khelh Hnuah Tleirawl Pakhat Chu A Room-ah Thia Hmuh A Ni

0 684

Thailand, Udan Thani-ah tleirawl pakhat Piyawat Harikun kum 17 mi chu a sikul chawlh laiin chawl map lova games a khelh avangin a room-ah a nu leh paten thiin an hmuh thu an sawi.

Report-na in a tarlan danin he tleirawl lainatawm tak hi a computer hmaah a lo tlusawpa, a pain tianga a tlusawp lai a hmuh meuh chuan a lo chat fel der tawh a ni.

Piyawat Harikun hian games khelh a hrat hle a, a room-ah inkalh hnanin online games chu darkar rei tak tak a khel thina multiplayers battles lam phei chu a âtchilh a ni ber. A nu leh pate sawidanin an fapa hian sikul chawlh laiin games a khel nasaa, a tleivar deuh ti ti thin niin an sawi bawk. A games khelh a bansan duh mai loh avangin a room ah chaw leh tuite pawh a pe mai zel tih an sawi a ni.

Jaranwit chuan a fapa hi lehkha thiam thei tak niin zirna lamah pawh a theihna a sang hle tih sawiin games khelh a zawngchhang tlat erawh a ngaihna tak an hrethiam bik lo a ti a ni. A hming hmera theih tawpa a koh hnu pawhin chhanna an hmu lo tih sawiin kâ pawh chhawn hman loin a fapa chuan mual a liam ta a ti a ni.

Piyawat Harikun nu leh pate chuan an fapa thihna chu nu leh pa tam tak tan inralrinna ni mawlh rawh se tih a duh thu media hmaah pawh an sawi lang nghe nghe. Nu leh pate chu an fate enkawl danah an nem viau chuan an fapa angin an faten an hun tawp an hman an hlauh thu pawh lungchhe takin an sawi a ni. An khawngaihthlak hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!