Kum tina sem ṭhin BRIT Award chu nakkum February thla khian sem a ni leh dawn a, he huna perform tur zingah hian Ed Sheeran leh Sam Smith te an tel.
BRIT Award hi London-a The O2 Arena-ah February 21 khian sem a ni dawn a, he huna perform turte hi tun hnai khan puan a ni. Ed Sheeran leh Sam Smith bakah, Stormzy pawh perform tur zingah hian a tel. An pathum hian British vek an ni a, tuna ziathiam lar zinga boruak nei lian leh lar ber pawl an ni. Sheeran leh Stormzy te hian BRIT Award 2017-ah khan ‘Shape Of You’ an lo sa dun tawh a, lawm an hlawh hle a ni. Anni bakah hian kum 22 mi Dua Lipa hming pawh lam rik a ni. Dua Lipa hi Best British Female award dawng thei tura rin kai ber a ni bawk. Award dawng thei tura chawpchhuah zingah hian R&B singer Jorja Smithpawh a langsar hle.
BRIT Award hi kum 1977 aṭang khan British Phonographic Industry (BPI) bultuma semchhuah ṭan a ni a, a tirah chuan The BRITish Record Industry BRITannia Awards tih niin, British mi music lama hlawtlingte hneah pek ṭhin a ni.
credit, vanglaini