Your Daily News

MIZORAM A KAL KA NGHAKHLEL- SUSHANT SINGH

0 666
MIZORAM A KAL KA NGHAKHLEL- SUSHANT SINGH

January 23 tlaia Vanapa Hall-a kan hmuh theih tur, Bollywood actor leh TV show host Sushant Singh chuan Mizorama lo kal hun a nghahlelh tawh thu a sawi.

January 23-25 chhung hian Indian Film Festival Mizoram chu buatsaih a ni dawn a, Vanapa Hall-ah film hrang hrang en tur a awm dawn a, en man a awm lo ang. Heng film-te hi an chhuah dawn a ni satliah lo a, a film siamtu mi langsar tak takte hi Aizawlah an lo zin dawn a ni.

Sushant Singh thukhawchang

Savdhan India avanga Mizo mipuite hriat lar em em chuan, “Mizoramah Savdhan India an en nasa tih ka lo hria a, mipuiin an ngaina tih ka hriatin ka lawm a, Mizorama kal hi ka chak tawh hle a ni,” tiin a sawi.

Bollywood lam actor ni mah se TV show host atan sawm a ni a, a tirah TV show dang host tura sawm a ni a, hei hi a hlawhtling lo. He mi hnu hian ‘Savdhaan India – India Fights Back’ show tharah host atan an sawm a, hei hi a hlawhtlinpui ta hle a ni.

Sushant Singh chuan, “Actor ka ni a, film-ah chuan midang anga kan lan a ngai a, mi nungchang ang chan chhuah kan tum ṭhin. Tuna Savdhaan India-ah hi chuan Sushant Singh ka ni a, Sushant Singh-a ka lan chhuahtir a ngai ṭhin a ni,” tiin a sawi.

Savdhan India avanga miin an hmelhriat thu leh, mi tam takin an harsatna tawhte an sawipui hial ṭhin thu a sawi chhuak a ni.

 

credit, vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!