Your Daily News

Zawhte Miau Dan Ṭawnga Lehna (MeowTalk) App An Siamchhuak

0 189

Khawvel thiamna sang zelah zawhte miau tawnga lehna App an siamchhuak leh ta. He App hi zawhte nei tan chuan download ngei ngei chi a ni. In zawhte in enge a sawi duh tih leh a sawi tum chu he App atang hian a hriat theih dawn a ni. He zawhte miau dan tawnga translate-na App hi Apple App Store leh Google Playstore-ahte download theih in a awm.

Zawhte thusawi duh hriat theihna App siamchhuaktute sawidanin he MeowTalk App hian zawhte miau dan leh an awrawl chi 13 a let thei dawn niin an sawia, siamchhuah hlim hlawl a nih avangin features thenkhatte erawh la belhchhah zel tura duan a ni.

He App hi khawvela tawng lam zirmite intelkhawm pawl AI of Amazon’s Voice siam chhuah niin Engineer Javier Sanchez chu he app duangchhuak tur hian hmahruaitu ber a ni. An sawidanin zawhtete hian tawng hrang hrang an nei ve lova, tawng pakhat an intawma a thluk erawh a dang niin an sawi.

Zawhte tawng dan an chhui lai mek a nih avangin he tawng lehna App hi tun dinhmunah a thente chuan an hmang tangkai tih an sawi laiin, a thente erawh chuan awmze nei lo ani an ti ve thung.

Mahse, he App hmang hian zawhte awrawl chu tam thei ang ber record tur a nia, hemi hmang hian an sawi duh leh an tawng chu an chhui zui dawn a ni. Zawhte miau miau record a tam poh leh he App hi a changtlung chho zel dawn tihna a nih chu.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!