Your Daily News

US President Kalchhuak Ta Donald Trump-a’n A Social Media Platform Thar Tur A Puang Fel Ta!

0 558

Khawvel huapa social media lian 2 Facebook leh Twitter tih vela a account an hremsak fo US President hlui Donald Trump chuan a social media Platform thar tur chu a puang fel ta!

Former President Donald J. Trump chuan a social media thar tur hming chu ‘Truth Social’ tih a nih tur thu a sawilang a thla leh atangin he Truth Social hi an hman theih in an chhawpchhuak dawn a ti. He media thar hi tunlai social media lar zualte elpha tura duan a ni dawn a ni.

Amah Donald ‘Trump chu Trump Media & Technology Group’ chairman thar a ni dawn bawk a, Big Tech company Silicon Valley leh Liberal media consortium te nasa takin a do dawn a ni.

Amah Trump ngeiin, “TRUTH Social leh TMGT chu Big Tech awpbehna ata dinchhuah lehna atan ka din a ni” tiin a sawi.

“Kan chenna khawvel thlirin Twitter ah Taliban firfiak ho tam tak an awm a, America rama in president ngainat ber erawh a ngawi reng thung a ni. He thil hi pawmzam mai chi a nilo” a ti bawk.

US president hlui hian kum tir lam khan Twitter leh Facebook kaltlangin thubelhchian dawllo a thehdarh niin tarlan a ni a, US Presidential election-ah Joe Biden chu a hneh tih huai takin a auchhuahpui a nih kha. A tawngkam chhuak leh a thu post te avang hian social media lian 2 te chuan an hrem zui a, Twitter chuan damchhung atan a account a tihtawpsak zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!