Your Daily News

TikTok Lei Tura Inbiakna Tipuitling Thuai Turin Trump’an Ni 45 Microsoft Hun A Pe

0 168

Chinese chhul chhuak US tana him loa ngaih TiKTok chu President Donald Trump’an Executive Order tichhuakin ni 45 chhungin Microsoft leh ByteDance-te chu thutlukna siam thuai turin a hriattir. He video sharing App lar tak hi Microsoft chuan lei a tum niin thuthang a awm mek a ni.

Ni 45 hnuah engmah thu thar a awm lo a nih chuan US ramchhungah he app hi khap ani ve dawn ta a ni. Trump chuan Thursday khan “Addressing the Threat Post by TikTok” tih thupui hmangin order a signed hnan ta a ni.

Security leh privacy lam ngaih pawimawhna sang chho mek zel khawvel ah hian a bikin Chinese app-te hian rin an kai loh bakah security thilah US in rinna a hloh tak avangin khap tumna a lo awm tan ta a ni. Microsoft chuan TikTok lei tumin ByteDance nen inbiakna an nei meka, Trump’an an deal hi tipuitling thuai turin nawrna a siam zui nghal bawk.

ByteDance nena insumdawn tawnna zawng zawngte chu 45 a liam meuh chuan sanctions an ni dawn tih thuchhuah siamin Executive order an signed hnan tawh bawk. Deadline pelh hnu September ni 20 atang chuan US rampumah ByteDance TikTok chu hmuh tur a awm tawh dawn lo tihna a ni.

Trump’an House speaker leh Senate president lehkha a thawnna ah pawh TikTok chuan automatic in a hmangtute information engkim an lo man nghal tih a sawia, Chinese Communist Party lakah American mi leh sate an himlo a ni a ti bawk.

TikTok in data a lakkhawm atang hian Federal hnathawktute leh contractors-te chu an thil tih engkim an lo hriat theih dawn avangin rang taka khap a nih theih nan hmalak zui a ni ta a ni. India in TikTok a khap hnuah US chu TikTok khap tura hma la mek ram pahnihna a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!