Mipathmeichhiatna Lam Hawia Duan Robot Chuan AI Hmangin Mi A Biak Theih Bakah Mi A Thliar Hrang Thei

Mipathmeichhiatna lam hawia duan hmeichhe robot-te hian (AI) powered puihnain mi an hriat hran theih bakah mi an be pawp thei bawk. An luah (AI) phum a nia hei hian an mit chu a thunun a ni.

Hetiang lama ziaktu lar Jenny Kleeman in Daily Star Online a hrilh danin khawvela robot siamchhuaktu lian ber pawl, Abbyss Creations Factory, San Diego, California hmuna awm a tlawh chungchang sawiin heng robot-te hian mihring an ang chho tial tial tih a sawia, an lua (AI) dah chuan mi an hmuh tawhsa leh la hmuh ngailohte pawh an thliar hrang thei tih a tarlang. Hei bakah hian an hming a registered hnuin mihringte angin an inbe thei tih a sawi bawk.

He factory lar tak leh changtlung zet hi Matt McMullen, khawvela deloveloper hmahruai mektu din niin an robot siam harmony robot an tih mai hian mihring a ang tak zet tih a sawi a ni. He robot hi a khawhmuhna (system vision) chu tih changtlun chhoh mek a nia, a mi hmuh tawh leh la hmuh ngai lohte a hrehrang thei tawh dawn a ni.

Tunlai khawvel hunkhirh leh mipahmeichhiatna him leh hrisel zawk neih duhna sang chho mek zelah khawthlang rama cheng tam tak chuan heng hmeichhe robot, nuam tawlpui theihte hi an thlang ngei dawn tih Kleeman chuan a sawi lang bawk.

Pandemic avangin Germany ramah pawh nawhchizawrhna hmun tam tak khar a nia, heng hmeichhe taksa anga duan robot leh doll-te chu hralh a kal hle tih hriat a ni bawk.

Kleeman in he factory tlawha a zinna a thil hmuhdante chu sawilangin hmalam hun lo herchhuak turah heng robot-te nen hian inlaichinna neihchhoh a awl dawn thu sawiin, mi 2 duhna niloin mipa khatin thutlukna a siam theih tawh dawn vang a ni a ti bawk. Mihringah chuan inlaichinna siam turin mi 2 remtihna a tula, robot-te erawh mihring duhdana awm tur an ni thung a ti a ni.

Khawvel hian hun hmawr a tawng chho mek zela, ringtute tan insawh nghehna hun a nih tawh bakah milem laka fimkhur hun kan thleng chho tan ta!