Your Daily News

Darkar 4 Chuang Zet Thu Chunga Nitin Mobile Games A Khelh Thin Avangin A Hnung Zâng Ruh A Tichhia

0 486

Hun rei tak chhung Mobile Games i khelh khan i mit a kham satliah mai ni loin i taksaah nghawng thalo tak ta a nei tih i ngaihtuah ve ngai em le? Mobile games leh Video games khelh ngawlveina pawh hi mi tam tak tan, a bikin kum la naupang lam tan harsatna lian tak a tling awm e.

Heng mobile games khelh zawngchhang tam takte zingah hian China rama pa pakhat chunga thil thleng hian mi a ṭhawng tak zet a ni.

Kum 34 upa Li tia koh, Chinese gamer chu games a khel nasa hle tih hriat a ni. A phone khawihloh hun chu a mut hun bak a nilo tih an sawia, englai mai pawhin games a atchilh tawh avangin thu chungin mobile games a khel nasa thin hle tih an sawi. A hun tam ber chu games khelh nan a hmang a ni ber mai.

Tuk khat a zing tho chu a thawk a buai deuh thut tih an sawia, damdawi lam mithiamte rawn nghalin games hun rei tak tak khela hun a hman thin in a taksaah nghawng a nei tan tih an hre chhuak ta a ni.

He games khelh hrat tak Li hian thu chunga hun rei tak tak games khela hun a hman thin avangin a spinal cord chu tichhiain a spinal nerves te pawh a tichhe tel tih an sawi a ni.

Doctor-te chuan mobile games leh computer games rei tak tak khelh chin hian taksaah nghawng thalo a nei nual tih an sawia, chin tawk nei lova tih fo chuan zen mai pawh a awl hle tih an sawi a ni. Kan faten tunlaia an atchilh mobile games leh computer games an chelek dante hi kan khuahkhirh a hun ta hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!