Your Daily News

Chinese Apps Ban Tumin US In Ruahmanna A Kalpui Mek: Pompeo

0 406

US Secretary of State, Mark Pompeo chuan United States pawhin TikTok tiamin Chinese apps hman khap tumin hma a la mek tih a sawi. He thil hi US President Trump hriatah a la pholang duh rih lo tih sawiin he thilah hian hmalakna a kal mek a ti.

Pompeo chuan kar hmasa khan American news Channel-ah interview a hmachhawn tumin he thil hi a sawi a ni. India in Ladakh hmuna China nen an intihbuai hnua China Apps hman khapna a thuchhuah a siam hnuah he thil hi Pompeo pawhin a sawi lang ve leh ta a ni.

US Lawmars te chuan national security thilah TikTok in User data a sawngbawl dan chu tha lo an tiin Chinese Communist Party in a finvervekna hmanga Intelligence-te thawhpuia a control-na hnuaia an company-te thawhpui chu tha a ti lo tih a sawi a ni. Khawvel mite hip theih nan Bytedance chuan Tiktok app chu Beijing atanga lak hran a nih thu an sawi chamchia mahse, hei hi khawvel hian a ring ngam tak tak pawhin a rinawm lo.

US leh China inkar boruak chu a chhe chho mek zela, Coronavirus darh chungchangah US chu tunthleng hian China lakah a lungawi loh thu pawh Pompeo chuan a sawi lang tel bawk. Hetih lai hian Facebook pawhin Hong Kong national security Law kaltlangpui anih hnuah a vawi khat nan User data a pe chhuak duh lova, TikTok pawhin chhuahsan a tum tawh bawk niin thuthang a awm mek bawk.

Former Walt Disney Co executive Kevin Mayer chuan TikTok app User data chu China ah khawl a ni lo tih a sawi ve bawk.

US leh China inkar hian that lam aiin chhiat lam a pan mek a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!