Your Daily News

YouTuber Jake Paul’an Conor McGregor A Cho

0 654

November 28, 2020 a Mike Tyson leh Roy Jones Jr an inhnek tuma Main Card a tel ve YouTuber Jake Paul chuan MMA fighter ropui Conor McGregor chu inhnekpuiah a cho tih a sawi chhuak leh ta!

Mike Tyson leh Roy Jones Jr ten Exhibition Boxing Match an khelh tumin, YouTuber Jake Paul chuan a khingpui NBA Player Nate Robinson chu a knockout a nih kha.

Nate Robinson lakah hnehna a chan hnu hian BT Sport-in hmaichhana kawmna an neih laiin, Jake Paul chuan Boxing luhchilh tumin kum 2 dawn training a lo kalpui tawh tih a sawi. Boxing chu infiamna pawimawh tak a ni tih tarlangin, Boxing chu khelh zel a tum tih a sawi lang bawk.

Mi thahnem tak hnek chak a neih thu sawiin heng mite zingah hian UFC two division champion lo ni tawh Conor McGregor chu a cho thu a chhak chhuak zui bawk. A ni bakah a thian Dillon Danis pawh a cho tel nghal bawk.

YouTuber Jake Paul hi Boxing ringah vawi 2 a in lan tawha, kum in 2020 January 30 khan AnEsonGib nen an inhneka, First round ah TKO in a hnehna a chang a ni. A tum hnihna atan Nate Rohinson pawh a knockout leh bawk.

Jake hian a hma deuh pawh khan McGregor hi a hming a lo sawi ri tawha, TMZ a hrilh danin an manager te ve ve inbiakna neih hnuah a mi chona chu a hlawhtling thei chauh dawn niin a sawi. He a chona ah hian Conor chuan chhanna tawngkam a chhakchhuah awm hriat a ni lo a ni. Hmanni lawk pawh khan UFC fighter Ben Askren pawh a cho thu a sawi lang leh bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!