Your Daily News

UFC 249: Gaethje Lakah A Tlawm Hnuin Fergusona’n A Mitko Ruh (Orbital Bone) Tichhe Zuiin Hun Harsa A Hmachhawn Mek

0 404

UFC 249 main event hmuhnawm zet leh mit titlai em em mai kha kan hmu theuhin a rinawm. He game turu leh rothap zet ah hian Tony tan erawh vanduaina a thuah hnih a ni ber awm e. A khingpui Gaethje nen Octagon battle fielda indimna tel hauh lova an han innuai tak hnu khan Ferguson chuan a mitko ruh tichhia in hun engemaw ti chhung chu inenkawl a mawh dawn tih hriat a ni.

Gaethje hian Ferguson tactic tuma tawntlang theih loh leh a zawna vawi 12 zet a lo keipui tuallen tawhna chu rawn dahthain a lo khapdai hneh hle a, game zawng zawng deuhthaw a thunun a ni ber. Tianga a zawna a kuttum hlauhawm zet zet a lam hawia a theh phei hnu 5 round-na tawp lamah phei chuan referee a inrawlh a tul ta hial bawk.

Tianga a thim leh var pawh thlu lova hremna nasa thei ang ber inpek an tum chhung hian Ferguson lamah vanduaina a thleng zing zawk a tih theih. He an inbeihnaah hian Tony an a interim belt a hloh mai piah lamah a vanduaina belhchhah turin Gathjae’n a mitko ruh (orbital bone) a tichhe zui ta bawk tih MMA Fighting source chuan Yahoo Sports hnenah sawiin a hnuah President Dana White beng hriatah sawilan a ni zui leh bawk.

Minute 20 leh tlem an innuai hnu hian Tony hian kut tum silai mu ang zet hlauhawm strike vawi 143 a dawng hmana, heng zinga vawi 100 vel zet chu Ferguson luah a tla a ni.

A hmai leh a mitko hnuai lam ah te a vun a thler nasaa a hmai a vung nasa hle bawk. Han en mai pawha Tony’an a tlin ta lo tih referee mitah a chian tak em avangin 5 round tawp lamah chuan loh theih loha fight a tih tawp a lo tul ta a ni.

Tunah hian Jacksonville Fla. Medical Facility lamah dah luh niin chuti thuta Octagon lama lo kir leh nghal thei ziazang a ni lo tih source chuan a tarlang bawk.

Gaethje erawh round zavai deuh thawin a kut tum a vawrh thaa atan a fight career pawimawh ber pakhat UFC 249 chu a tipuitling thei ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!