Your Daily News

Tennis Star Peng Shuai Thuhla Avanga Buaina Kal Zelah China Rama Tournaments Lo Awm Turte Chu WTA Chuan A Hnukkir Leh Vek!

0 946

WTA Chairman Steve Simon chuan Nilaini liam ta khan thuchhuah siamin, Chinese tennis star Peng Shuai sahimna ngaihtuahin China rama hmeichhe tennis tournaments lo awm turte chu a vaia thulh a nih tur thu a puang chiang ta!

WTA chuan tennis khawvela inelna liam tham vawi 11 chu China-ah nghah a tum a, COVID-19 avangin a vai hian hlawhtling lo mahsela a theih chin chin chu kalpui a tum ta tho a ni. Mahse, hriat tawh angin Chinese Tennis star Peng Shuai buaina tawh chungchangah thutlukna loh theih lohin a siam ta zawk a ni.

“Hong Kong tiamin, China rama WTA tournaments zawng zawng chu tihtawp a nih thu ka puang e” tiin Simon chuan a sawi.

Tennis player tha tak Peng kum 33 a upa chuan social media kaltlangin an ram politician thil tithei tak pakhatin hurherh lam hawiin a khawih thu a tarlang a, he a thu post hnu hian a hmel hmuh tur awm loin a bibo zui nghal a ni. A chanchin hriat tur awm loin a reh vang vang mai a, hmanni lawk khan TV kaltlangin a damthat thu vawikhat a sawichhuak tih hriat a ni.

Tianga Peng Shuai in harsatna a tawh tak hnu hian khawvel hmun hrang hranga infiam mite chuan awka an rawn nei nghal a, Peng chungah harsatna thlen lo turin China rama thuneitute chu an kar nasa hlawm hle.

Simon chuan Peng Shuai chunga China sawrkar chetdan chu hmeichhe infiammite tan him loah ngaiin, harsat lian zawk a thlen loh nan WTA tournaments chu a titawp zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!