Qatar-ah England Fans te Dinhmun A Chep Chho! Mipathmeichhiatna Hman Khapna Bawhchhiate Kum 7 Tang Dawn
Qatar World Cup chu Sunday niah Kick Off a ni dawn ta! Hetih lai hian England Football fans te erawh an dinhmun a chep chho zel!
Khawvel huap Football inelna lo awm turah hian England Fans te tan mipathmeichhiatna hman khapna thupek Qatar chuan a tichhuak a, he dan pawisa lova bawhchhiate chu kum 7 tang turin hremna pek an ni dawn tih thuneitute chuan an puang.
Kar leh Thawhtanni lo thleng turah khian England leh Iran te chu an intum dawn a, hemi hun thlir chung hian Three Lions fans te chu Middle East lam panin an thlawk chhuak tan tawh a ni. Kumin Qatar World Cup-ah hian dan leh dun an zam khirh ang renga, hlimhlawp leh nawmsit bawlna lam chu a leng vak dawn lo a nih hmel.
Muslims ram Qatar-ah hian nupui pasal neih hmaa mipathmeichhiatna hman chu khap tlat a ni a, a paltlang lui an awm a nih ngat chuan indimna a awm dawn hauh lo a ni. He World Cup hunpuiah hian One-night stands tih vel chu a vang dawn khawp.
