Your Daily News

Olympic Games-ah Medal A Hlawhchhuah Veleh A Bialnu Hluiin, A Then Ta Chu a Inchhir Hle Tih A Sawichhuak!

0 1,202

Olympic Games-ah Medal A Hlawhchhuah Veleh A Bialnu Hluiin, A Then Ta Chu a Inchhir Hle Tih A Sawichhuak!

Khawvel pum huapa infiamna lama inelna runpui chu hrileng karah Japan khawpui Tokyo-ah neih mek zel a nia, khawvel hmun hrang atangin infiammi mi thahnem tak an fuankhawm a ni.

Thawhtan ni liam ta khan New zealand tlangval Hayden Wilde pawh Olympic 2020 games mimal inelnaah tel vein, vanneihthlak takin Bronze medal a hlawhchhuak ve tih hriat a ni. Infiamna hmuna a tel lai leh medal a hlawhchhuah lai chu a bialnu hlui chuan a lo thlir ve reng tih an sawi.

INews Reporter chuan a bialnu hlui chu va hnimhnaiin zawhna a pe zuia, a bialpa hluiin Medal a lak hnuah atan enge sawi tur a neih a zawt chhunzawm ta a ni. A bialnu hlui chuan nui sang chungin Reporter hmaah, “Ka then che chu ka inchhir vawng vawng” tiin zawhna a chhang let ngat a ni.

Hmeichhia chuan Wilde chu a chhuanzia a tarlanga, an 2 hian primary sikul lutdun an nih thu leh Wilde hmasawn nasatzia a hmuh chuan a nun a tihlim tak zet tih a sawi a ni. An 2 hian an inzui leh nghal tih thawm erawh a la ri chiah lova, Wilde chuan a bialnu hlui chu kohkir leh zai a rel ngei ang tiin tawngkam a chhuah zui tih hriat a ni. Wilde sawidanin a bialnu hlui hi intlansiakna a neih dawn ni hian amah thlir turin zing takah a inpeih at tawh thu a sawilang ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!