Your Daily News

Messi dahsangtu Xavi

0 553

Barcelona legend Xavi chuan Lionel Messi chu khawvela footballer ṭha ber a nih thu leh Cristiano Ronaldo chunga leng a nih thu a sawi.

December 7 khan Ballon d’Or chawimawina sem a ni a, Real Madrid thiampuipa Ronaldo-a’n a vawi nga nan a dawng a, Barcelona star Messi record a nih rual chiah.

Chawimawina a dawn hnuah Ronaldo hian khawvela footballer ṭha ber a nih thu a sawi a, Portugal captain thusawi hi pawmpuitu tam tak an awm laiin Barca midfielder hlui Xavi ngaihdan erawh a dang thung.

Spain international hlui Xavi chuan, “Messi hian Cristiano aiin record a ngah zawk a, khawvela ṭha ber chu ani hi a ni. Cristiano khan khawvela a ṭha ber a nih thu a sawi a, a awm lo hran lo. Mahse, nitina training kan neih puite hian khawvela ṭha ber chu an hre mai,” tiin Catalan club tana a khelhpui ṭhin Messi a dah sang hle.

Kum 30 mi Messi hian season duhawm a hmang mek a, La Liga season kal laiah goal 14 a khung tawh. Ernesto Valverde naute hian point 42 hmuin league hmahruaitu an ni mek a, Inrinni tlai dar 5:30 hian El Clasico khel turin Real Madrid khelmual Santiago Bernabeu-ah an lut ang.

 

 

credit,vanglaini

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!